梅花點：
香蕉有梅花點即係熟透最好味，灰馬亦一樣，有梅花點就係狀態最弗時，黑白分明好易睇，圖為上季「大寶藏」贏馬前晨課操練馬身現梅花點。其他毛色馬，如棗及棕色等，狀態弗時在陽光下是反光的。

腳包：
沙包、叉燒包大家就聽得多，腳包當然係同腳有關，馬匹體重千多磅，只由四隻腳支撐，馬腳纖瘦易受傷，所以腳患係馬匹通病，用腳包除有保護作用，更防止馬腳因負重容易扭傷。

白膠汗：
馬匹身體大部分是脂肪，天氣熱或晨課後最易出汗，出汗水是正常，但起白膠甚至起泡，代表馬匹身肥未夠狀態，等同一個肥仔喺街行一陣都成身汗，要勤操減肥。

疴爛屎：
好多時見到馬匹喺沙圈疴屎，甚至黏腳，唔係腸胃有問題，喺行圈時先天性緊張細膽。

 

來源：蘋果日報